父親節(17 June)

阿兒４月時已訂了枱食buffet, 今晚去東薈城Novotel Hotel 入面。１０人準時到達開餐，大家臨尾都覺得普普通通，埋單＄２０００多啲啲。由於媽咪同寶姐都係六月生日，所以是夜由三個單位負責，包括：我，阿兒同阿Ｂ。大家開心，無所謂啦！

今日我探過嫲嫲，佢好似已經慣了新環境，食量都多咗啲。希望佢可以開開心心生活。

thanks 15~

由於昨晚講咗今日食回転寿し，所以今日１２點就出去。灝灝要返公司拿notebook, 我就同１５先到。因為早到峰壽司（旺角）所以唔駛等位。一坐下，１５就狂叫すし。我同講佢話可以慢慢食，但佢話久しぶりです、所以就狂叫，狂食。
１５分鐘後灝灝一見我地，就話乜解究叫了．．．哈哈，佢之後發力，但其實都唔及１５食得多！ 埋單７百幾。好full~ 多謝１５！！！！ 今日masahiro生日呀，打電話２次都無人聽，只好留言啦！

今日はまーチャンの誕生日、おめでとう！！！いつ、香港に来る？一緒に遊ぼう。。。。食べまっくりして！！


頭１０分鐘，１５一味叫，叫，叫．．．

之後１５去打機，我就要去買藥，一個鐘後見時１５問我地想唔想食dessert,又食？？？ 帶佢去義順食雙皮奶，我食紅豆冰。

１５個樣好似食懞咗

然後１５決定今晚回去，所以我地回家，１５takes a nap, masahiro打電話黎，原來同hiroko一齊換電話，傾咗一陣。終於同佢講咗生日快樂！


是日宵夜。牛腩烏冬。

15 comes to HK again!!!! :)

今日下午１５打電話俾灝灝話喺深圳，佢又丟了手機，所以無咗我電話號碼。好耐無見啦，緊係得閑！！約６：３０pm之後等，到我攪點哂所有嘢時，灝灝已同佢約好了。

大家喺家等，然後商議食乜菜，本來想食泰國菜，西餐，中菜（１５話食到悶，如果俾masahiro聽到，哈哈哈，羨慕死佢），１５後尾話想食回転寿し，但由於今晚係星期五，會好多人。最後我地決定聽日下午先食日本嘢，今晚就帶佢去試印尼菜。因為爸媽上大陸，我就叫埋茵茵去。間餐廳喺觀塘，小巴站付近。去到已經８：３０，滿哂，要等位。等左大蓋１５分鐘就入得。好嘢！


沙嗲豬肉，呢個肉硬啲。

沙嗲牛肉，好軟，臨尾encore多半打。

蕉葉燒魚，辣辣地，好野味。

本來想叫加多加多，但賣哂，老細推价呢個豆腐雜菜沙律，都錯，加多加多就用花生醬做sauce，呢個無落花生醬。

巴東雞


芙蓉蟹，呢個好味，一致激讚！

印尼炒飯。


仲有一個炒通菜，辣雜菜飯，１個白飯。埋單＄３４０有找。好滿足！無位食甜品，但係送完茵茵返歸，我地回家途中，去綠林買甜品回家。

Starbucks charge card (14 June)

下午飯無食，鞋柜送黎後走去食tea~ 喺Starbucks飲coffee, 灝灝見到有azuki味，試下啦，但係我覺得麻麻地。之後仲買咗張Starbucks Card, 灝灝話佢成日會去買嘢飲呀，我就鍾意去Pacific Coffee。

然後到百佳買餸，要整沙律同埋凍烏東, 全叔話整咗清湯牛腩俾我地！！仲有大大粒士多啤利做甜品！！



食雞批＋紅豆星冰樂走cream

後記： 回家之後又食，就係喺超市買的齋點心。
１０元４件。我買６件，收１２蚊。


好味牛腩，不過蘿蔔唔係好靚

加咗辣椒絲同埋芹菜絲，我覺得當堂靚咗

好大粒呀

全叔仲買咗盒藍莓俾我。多謝哂！本應我都想買㗎，不過後尾買咗士多啤利。已經好飽，再食唔落沙律同烏東，留返聽日啦。

************************
我隻harddisk情況： 間公司同我地講話如果我地可以等的話，retrieve data 嘅收費會平啲。原因係佢地唔駛改schedule 做我單job先。初步估計我隻harddisk係可以撈返啲files. 不過係唔係全部㗎？？？？

今晚屋企有飛小強，好驚呀~ 經過灝灝一番努力再加本人眼利，成功擒獲小強！！！哈哈哈！！！

MAC 機瓜咗！！

呢幾日我好似無咗隻手，因為部MAC瓜咗呀。好好好好好唔開心，因為擔心所有files都無唒！！要撈返啲files又要磅水！初步要成幾千蚊呀~~~~救命呀！！最衰自己懶啦，早啲做咗backup就好啦！！！


是日晚餐。腸仔＋蕃茄醬意粉

後加咖喱雞東菰米粉

dinner with family (11 June)

matt 星期三走，我星期二要返學，所以約埋今晚食飯。媽咪好耐無整嘅梅菜豬肉餅都喺枱上。又有好耐無食嘅煎鮫魚，同埋酸甜骨。究境係媽咪少煮定係我少返屋企呢！？



近鏡

今次Matt返黎我只係見過兩次，不過無辦法啦，你忙嘛！！等下次再返黎或者我去馬拉！！

買埋鞋櫃 (10 June)

終於的起心肝去買鞋柜，買咗個３尺嘅，想連埋sofa一齊送，但趕唔切。要星期四呀。唯有等等等。

是夜食米線，川居，好耐之前食過，係洗衣街，之後唔見咗。今日俾我地見返，原來搬在黎花園街，決定今晚喺到食啦！
不過望完餐牌發覺無咗痲辣海蜇。

食咗:

木耳絲

麻辣青瓜


灝灝食過橋米線

我食凍米線，排骨好鬆，好味，不過我只係食咗一半。

打掃日 （9 June)

下午1:00先起床，媽咪係大埔出黎，約去聯邦飲茶。叫咗點心，但灝灝唔准我叫酥炸魷魚鬚，媽咪又唔幫拖。>.<


呢個酸酸地，好開胃。不過我都係鍾意食廈門炒米多啲。

之後回家，今日目的係打掃廚房，媽咪黎幫我手丟嘢，丟咗好多呀。仲有換過客廳窗簾。到六點半就出去尖沙嘴一遊食飯，同埋哥哥，如姐。
温泉卵

　羊肉串

　鱆紅魚薄切


沙律，有珍珠，好咬口。不過灝灝話我傻，不如去咬膠！！！


餃子


蟹肉忌濂波，但我唔鍾意。

呢個入面係牛油果＋饅魚＋蟹子

板燒豆腐


天天打黎，問我地喺邊，原來佢地喺粉嶺，於是我地就約埋一齊到大埔等。跟住車媽咪返大埔，因為有消夜。去陳漢記。

炸兩，不過條油炸鬼已經林左。

豬潤腸粉 x 2， 但係我一啲都唔食架。


蜆介鯪魚球，我鍾意羅富記。

黃鱔飯

裹蒸粽


事後janet問我同天天仲去唔去食甜品，唔去lu~

新地柜 (8 June)

今晚終於送新地柜，仲有sofa要等到禮拜二，到時灝灝係北京，我自己搬唔到呀。而家決定要哥哥幫手，聽日就將舊的搬走，用坐墊坐住地下先。

今日見完Brent想食Mc Donald's 雙層魚柳包，叫左個餐，加新地，後尾再叫多個版燒雞腿包，返到屋企又食童星點心麵。之後肚疼，哈哈。

然後隔一陣又飲湯，係菜乾響螺湯呀。



今晚等哥哥黎幫手搬個舊的去丟，而經11:15pm, 草草係茶餐廳食飯。

開飯啦

今日終於全家人一齊食飯，之前呢個得時，𠴱個唔得。聽日Matt，Stella 同爸媽上大陸，媽媽問我去唔去，叫我夜晚上黎，呀兒都話好，但我就要諗諗，成日覺得好似有野做，最後灝灝話我知，送家俬呀。要執屋！！我唔去lu~

多謝寶姐同媽媽煮飯。

同天天食飯 (6 June)

天天打電話俾我，話老婆返外家，佢一個人食飯，話請我呀，緊係去啦。 本來諗住出九龍城，但佢再打黎時話好肚餓，口甘就係奧海城算啦，點知見面時佢又話唔係真係好肚餓，激死！！！

佢到先，我就叫佢係金滿庭等位，但我地到時好似要等好耐，於是轉去利寶閣。叫左二人餐($388)再加一人一隻鮑魚（做特價，＄３3 一隻），灝灝想食荷葉飯，但最尾都無叫，因為有蒸魚，白飯仲好啦。

個餐跟．．．

我忘記影相，叫佢地唔好食時，佢地唔理我，仲要夾多舊。

雜菌炒蝦球

鮑魚，唔錯唔錯

魚湯白菜仔

山東魚餃，有一排黎到呢道無得食，今晚又有番！！

條魚啱啱離骨，好味，魚豉油撈飯好正呀！


呢個唔係湯，而係甜品。西洋菜糖水。

個餐仲有個雪梨肫湯，好潤！

車天天回家，但係去左西環源記先，食糖水呀．．．

我食芝麻糊＋祿豆沙

灝灝至愛杏仁糊


天天食合桃糊


清蛋糕，但係我覺得唔好食，可能擺耐左，無口甘軟同埋彈。

送天天回家，然後行東遂走人。