生活回復正常

返來香港已一個月，忙這忙那，今日終於可已寫下嘢。

離開了差不多兩個月，無啖好食（成日自己煮通粉呀，意粉呀，蕃茄吵蛋),難得masahiro到香港旅行，我就盡地主之誼帶佢周圍去。好嘢！因為又可已食、食、食。

不過相就要遲D先upload!

又到布袋澳(6 July)

見爸媽兩人食飯，於是叫埋一齊食，想帶佢地去試下其他野，但係爸爸話好耐無去過布袋澳，好啦，今晚就去啦！





要就佢地，無得食辣酒煮花螺。不過白灼仲食到鮮味。

好彩我改叫一人一隻。好有肉地．．．

鮑魚仔，一人兩隻。

爸爸鍾意食龍蝦，我要加伊麵底。呢隻一斤半。

仲叫海鮮湯同蒜蓉西蘭花，呢餐＄1034。好味！！！

進度極慢．．．

要茵茵過黎訂hostel, 因為我望過好多間都已經FULL~琴晚攪到今朝５點！

攪成日（係由佢６點黎到夜晚１２點先訂了２間hostel), 中途頂唔順，要食嘢，之後走去深水埗食飯。

在CitySuper買蛋蛋，好正！由築地直送。honey都好好，知道我無得去，所以買俾我食。我都好想去呀，但好黑人憎，撞期... >.< 你玩得開心啲，食多啲．．．

我愛烏東＋腸腸

我的晚晚餐，酸辣米線，我食大半．

雨天，天陰陰

呢幾日都天陰，雨下唔停。飲茶嘆報紙，然後回家小休再出去。都係落住雨 >.<

喺美麗華放低條啤啤鏈去整，之後到商務書局，買唔到我想要嘅Lonely Planet Iceland 書。八點鐘，有啲餓，街市牛丸河正門關咗，又懶得拐個彎入去。於是走去糖朝食飯，好彩唔駛等位。

蒜香茄子

鴨絲麵，但黎到發現一大件，都唔係絲！ 個麵好重鹼水味，加辣椒醬同食還可以。

仲叫了魚片粥，排骨飯。個粥底都幾好，但係排骨飯唔夠乾身。


甜品時間：

honey嘅杏仁糊

綠豆莎豆腐花，豆花好滑，但唔甜。我食半碗，好飽。honey幫手食兩羹，放棄。

好頭疼呀

點解呢？上堂中已覺得頭重重，放學後即刻跑回家，好彩honey接我走。

回家未食飯，求其食個蝦子麵加蝦子加德國腸。

Dinner @Mr Steak (24 June)

今日一點多才到大埔飲茶，之後去咗沙田行街街。行到８點幾，灝灝想食埋飯至走。決定到Mr. Steak晚飯，和牛呀。
因為CitiBank有優惠，我就試下個和牛餐。

先黎麵包，好脆。灝灝太餓，好快食完。

我個餐的前菜，煙三文魚卷，中間包了生果，都幾好。

另一個餐的前菜，沙律，好好普通。

honey 嘅主菜。

我嘅和牛。

honey 嘅紅豆瑞士卷

沙巴翁配士多俾利，我食咗啲啲。

兩個餐其實都好味，大家都叫４成熟，但都係我個餐啲牛正！！ 個餐半價$２２０。加埋honey個餐連加一成為＄４２０。 我又話要去旅行要“些符“，但都口甘高筋。>.<

石硤尾街增輝小炒

今日等完sofa公司的人黎check張sofa已經三點半，本應想去MegaBox食午飯加行街，但係去到見到車都排隊入車場，只好轉場去APM。喺APM食完飯行一陣都用咗兩個鐘，跟住去遊車河，到鯉魚門，高超道，再到土瓜灣（想買鹹濕嘢，但係已經無咗，得返個地盤），之後經過紅磡再回家，休息一陣打的去會合朋友食飯。是夜食小炒。


呢個係我們的早餐。好味呀，我都係鍾意食後面𠴱隻多啲，成為４２蚊。紅豆粽都唔錯，好大粒架。

大特寫，哈哈！

晚飯時間，再次食增輝~ 下次想試對面個間，因為我見到有好多人排隊！

啫啫通菜煲

鬼馬油炸鬼，好鬼脆。

胡椒鹹菜豬肚湯，食完我要飲可樂，因為有味精。我一食味精就會膊頭發麻！！

炸豬大腸，我食一舊（因為唔食得）

炒飯

酸梅蒸蟹，我愛！！！


好大好大。

專人服侍~ honey真係好！！


蒸勝瓜，但係覺得簿啲好啲。

呢餐六個人$850有找。之後去佐敦湯圓皇食糖水，吹完水１２點返屋企。聽日入大埔飲茶！！！

端午節

跟往年一樣，無去游水，未食粽。不過之前我買咗１０隻。每隻４３元，幾貴，不過好食。

三點幾走去食午飯，旺角朗豪坊，好多人，後尾走入去竹蘆山房, 有特價menu, 我地叫了兩個，一飯一麵。

鹹肉菰湯飯


雪菜肉絲麵

埋單５１個幾。

之後走去MUJI, 但買唔到我想買嘅嘢，之後見MOS Burger無人排隊，我地就去食個cheese Burger餐。

要排隊的話我就唔食

晚飯呀~Matt，你係咪掛住媽咪啲餸同湯？？ 阿B同Megun,買咗枝裝可樂，不過兩人一枝，少咗啲，寶姐就自己立咗成枝。

父親節(17 June)

阿兒４月時已訂了枱食buffet, 今晚去東薈城Novotel Hotel 入面。１０人準時到達開餐，大家臨尾都覺得普普通通，埋單＄２０００多啲啲。由於媽咪同寶姐都係六月生日，所以是夜由三個單位負責，包括：我，阿兒同阿Ｂ。大家開心，無所謂啦！

今日我探過嫲嫲，佢好似已經慣了新環境，食量都多咗啲。希望佢可以開開心心生活。

thanks 15~

由於昨晚講咗今日食回転寿し，所以今日１２點就出去。灝灝要返公司拿notebook, 我就同１５先到。因為早到峰壽司（旺角）所以唔駛等位。一坐下，１５就狂叫すし。我同講佢話可以慢慢食，但佢話久しぶりです、所以就狂叫，狂食。
１５分鐘後灝灝一見我地，就話乜解究叫了．．．哈哈，佢之後發力，但其實都唔及１５食得多！ 埋單７百幾。好full~ 多謝１５！！！！ 今日masahiro生日呀，打電話２次都無人聽，只好留言啦！

今日はまーチャンの誕生日、おめでとう！！！いつ、香港に来る？一緒に遊ぼう。。。。食べまっくりして！！


頭１０分鐘，１５一味叫，叫，叫．．．

之後１５去打機，我就要去買藥，一個鐘後見時１５問我地想唔想食dessert,又食？？？ 帶佢去義順食雙皮奶，我食紅豆冰。

１５個樣好似食懞咗

然後１５決定今晚回去，所以我地回家，１５takes a nap, masahiro打電話黎，原來同hiroko一齊換電話，傾咗一陣。終於同佢講咗生日快樂！


是日宵夜。牛腩烏冬。

15 comes to HK again!!!! :)

今日下午１５打電話俾灝灝話喺深圳，佢又丟了手機，所以無咗我電話號碼。好耐無見啦，緊係得閑！！約６：３０pm之後等，到我攪點哂所有嘢時，灝灝已同佢約好了。

大家喺家等，然後商議食乜菜，本來想食泰國菜，西餐，中菜（１５話食到悶，如果俾masahiro聽到，哈哈哈，羨慕死佢），１５後尾話想食回転寿し，但由於今晚係星期五，會好多人。最後我地決定聽日下午先食日本嘢，今晚就帶佢去試印尼菜。因為爸媽上大陸，我就叫埋茵茵去。間餐廳喺觀塘，小巴站付近。去到已經８：３０，滿哂，要等位。等左大蓋１５分鐘就入得。好嘢！


沙嗲豬肉，呢個肉硬啲。

沙嗲牛肉，好軟，臨尾encore多半打。

蕉葉燒魚，辣辣地，好野味。

本來想叫加多加多，但賣哂，老細推价呢個豆腐雜菜沙律，都錯，加多加多就用花生醬做sauce，呢個無落花生醬。

巴東雞


芙蓉蟹，呢個好味，一致激讚！

印尼炒飯。


仲有一個炒通菜，辣雜菜飯，１個白飯。埋單＄３４０有找。好滿足！無位食甜品，但係送完茵茵返歸，我地回家途中，去綠林買甜品回家。

Starbucks charge card (14 June)

下午飯無食，鞋柜送黎後走去食tea~ 喺Starbucks飲coffee, 灝灝見到有azuki味，試下啦，但係我覺得麻麻地。之後仲買咗張Starbucks Card, 灝灝話佢成日會去買嘢飲呀，我就鍾意去Pacific Coffee。

然後到百佳買餸，要整沙律同埋凍烏東, 全叔話整咗清湯牛腩俾我地！！仲有大大粒士多啤利做甜品！！



食雞批＋紅豆星冰樂走cream

後記： 回家之後又食，就係喺超市買的齋點心。
１０元４件。我買６件，收１２蚊。


好味牛腩，不過蘿蔔唔係好靚

加咗辣椒絲同埋芹菜絲，我覺得當堂靚咗

好大粒呀

全叔仲買咗盒藍莓俾我。多謝哂！本應我都想買㗎，不過後尾買咗士多啤利。已經好飽，再食唔落沙律同烏東，留返聽日啦。

************************
我隻harddisk情況： 間公司同我地講話如果我地可以等的話，retrieve data 嘅收費會平啲。原因係佢地唔駛改schedule 做我單job先。初步估計我隻harddisk係可以撈返啲files. 不過係唔係全部㗎？？？？

今晚屋企有飛小強，好驚呀~ 經過灝灝一番努力再加本人眼利，成功擒獲小強！！！哈哈哈！！！