同天天食飯 (6 June)

天天打電話俾我，話老婆返外家，佢一個人食飯，話請我呀，緊係去啦。 本來諗住出九龍城，但佢再打黎時話好肚餓，口甘就係奧海城算啦，點知見面時佢又話唔係真係好肚餓，激死！！！

佢到先，我就叫佢係金滿庭等位，但我地到時好似要等好耐，於是轉去利寶閣。叫左二人餐($388)再加一人一隻鮑魚（做特價，＄３3 一隻），灝灝想食荷葉飯，但最尾都無叫，因為有蒸魚，白飯仲好啦。

個餐跟．．．

我忘記影相，叫佢地唔好食時，佢地唔理我，仲要夾多舊。

雜菌炒蝦球

鮑魚，唔錯唔錯

魚湯白菜仔

山東魚餃，有一排黎到呢道無得食，今晚又有番！！

條魚啱啱離骨，好味，魚豉油撈飯好正呀！


呢個唔係湯，而係甜品。西洋菜糖水。

個餐仲有個雪梨肫湯，好潤！

車天天回家，但係去左西環源記先，食糖水呀．．．

我食芝麻糊＋祿豆沙

灝灝至愛杏仁糊


天天食合桃糊


清蛋糕，但係我覺得唔好食，可能擺耐左，無口甘軟同埋彈。

送天天回家，然後行東遂走人。