金滿庭 (24 May)

媽咪同茵茵過咗來，又話要食上海菜。好啦，假期好多人，不過大家都決定等位，等了大半粒鐘。終於有位，由於灝灝成日無食過嘢，所以那那臨叫嘢食。

叫咗小籠包（x2), 冰介蘭，醬茶鴨，松子黃魚，火腿津白，京蔥牛肉，仲有三個青見仔加埋桂花糕添!!!!

金滿庭 (23 May)

想煮飯，但係灝灝想出街食，好啦，去食上海菜。叫左河蝦仁，桂花魚片，酸辣湯，海蟄，白菜浸魚湯，蒸素餃！
只係兩個人，但就叫了有４個人的份量，傻！因為係搭檯，其他人（每個單位都係兩個人，一共４個單位）望望下。灝灝話成圍檯叫得最多就係我地，最尾我仲叫埋桂花糕。問你驚唔驚?!

西班牙菜@ El Cid (22 May)

一班人又出動，今次去咗CWB嘅EL Cid (因為匯豐信用卡有半價優"胃")。叫了一臺食物，有沙律，麵包配蕃茄醬，風乾火腿，風乾牛肉，炸魷魚圈，海螺，蒜蓉蝦，西班牙炒飯(傳統的配火腿和菜，另外是海鮮加墨魚汁)，鹽焗魚，湯（蕃茄凍湯，甜椒湯），羊架，牛排，仲有Sangria。

各樣都幾好味，羊架非常嫩，海鮮加墨魚汁西班牙炒飯我最喜歡！但係牛排叫Medium rare, 就變成八成熟。傳統的西班牙炒飯有啲乾身，麻麻地．．．其他的都不錯！成餐＄１２xx。

澳海城風月堂

今日落雨天，唔想出街，就留喺屋企。
午飯用作晚嘅羅絲粉用雪柜有嘅材料（火腿＋筍＋醃蒜頭）炒，簡單又快趣。
晚飯決定唔整啦，落街攪點，行到澳海城，見到好多人，可能落雨啲人唔出街啦．．．連元氣同別府都有人排隊，就走去風月堂試下．．．

叫了日式沙律＋chicken wing 釀餃子＋雜菌默魚麵＋牛肉蛋包飯（不過蛋蛋唔係包住飯，係放喺飯面）。所有嘢都幾好，chicken wing 釀餃子入面嘅餃子肉好有味。雜菌默魚麵個sauce唔太膩，啱哂我！至於牛肉蛋包飯，啲飯用咗咖喱粉炒，牛肉就老啲。因為份量都幾大，我個肚子受不了，原先叫嘅咖啡都要cancel.

灝灝幫我影咗張相，然後我發覺．．．係時候要去剪頭髮！！！有一pat嘢放咗喺我頭上面呀~~~ >.<

煮嘢食

今日一遊火炭區，做完工作本來諗住返屋企，點知最後走去沙田CitySuper買餸返歸！
今日食德國腸＋羅絲粉＋沙律~
德國腸好味，只係煎一陣然後火局一下，攪點！ 沙律（生菜＋露筍）用橄欖油＋黑醋＋黑椒，好fresh呀！！！不過啲美國羅馬生菜就貴咗啲。羅絲粉就用蕃茄醬＋蕃茄乾去做個sauce~
食完仲要洗碗．．．
不過有好好味的至愛Haagen Dazs, 今次係Peach Chardonnay Parfait~ 好嘢！！！

南丫島海鮮＋行山

清明跟啊灝一家一行廿幾人到南丫島行下山同埋食海鮮。早上１０時TST碼頭等，然後搭船（暈浪）。終於到咗，第一時間走去買雪糕，俾我發現Haagen Dazs有新味，係Passion Fruit Sorbet，好好味！開頭大家都好精力旺盛，但行唔夠一半（大概兩個鐘），呀姨等人已鏡大叫好累，又話好餓！>.< 走到海灘，見到紅潮。玩咗一陣，已經到食飯時間。成班人浩浩蕩蕩去醫肚！

生日飯 part ２

正日去咗兩間居酒屋，都係喺TST。其間(因為第二間"一遊"要等位)仲走入Starbucks飲嘢!一行７人，吃到飽飽，不能再吃甜品！

無upload第一間啲相。呢間係‘一遊‘，喺TST諾市佛臺。

生日飯 part 1

今年生日飯，第一餐係Little Italy! 好好味，尤其係個tiramisu!! 如果人數多啲一定會叫埋個凍蟹！

最近想得太多．．．

嚴重睡眠不足足以殺死人！！心情受影響外,脾氣亦差！皮膚更加唔好提！>.<

琴晚十點已喺sofa睡著咗~ 太累了吧！

今日終於收到回覆，只係想開會再談？！唔係嘛！律師信好清楚啦，仲有嘢想攪清楚？真係揾鬼理你啦！上到去聽你發up風咩！快啲還錢啦！！ 你知唔知呢單野攪到我個時間表失預算，又唔知駛唔駛上court, 又唔知要駛幾多錢，本來諗住去旅行㗎嘛！而家都唔知點plan好！

打掃日，發覺有三盤小植物瓜咗。都話水種好啲㗎啦，我放喺洗手間嗰盤都不知生長得幾好呀，又啱懶人(我)種！不過媽咪話有泥好啲喎，話俾浩浩聽，竟然聽到“種瓜咗對我地仲好“ 聽完當堂眼都突！風水嘢真難明，話時話都知呀姨講啲嘢堅定流！

醉雞脾

今晚行過九龍塘Taste，見到＄１０有３隻雞脾賣，就買左返黎整醉雞脾。首先用鹽醃吓佢，蒸１０分鐘，開雞湯煮熱，待涼加酒（份量自己鍾意），我加左玫瑰露酒，雪過夜，攪點！第二晚的一道菜．．．