煮嘢食
今日一遊火炭區，做完工作本來諗住返屋企，點知最後走去沙田CitySuper買餸返歸！
今日食德國腸＋羅絲粉＋沙律~
德國腸好味，只係煎一陣然後火局一下，攪點！ 沙律（生菜＋露筍）用橄欖油＋黑醋＋黑椒，好fresh呀！！！不過啲美國羅馬生菜就貴咗啲。羅絲粉就用蕃茄醬＋蕃茄乾去做個sauce~
食完仲要洗碗．．．
不過有好好味的至愛Haagen Dazs, 今次係Peach Chardonnay Parfait~ 好嘢！！！
Friday, May 18, 2007
Thursday, May 17, 2007
南丫島海鮮＋行山
清明跟啊灝一家一行廿幾人到南丫島行下山同埋食海鮮。早上１０時TST碼頭等，然後搭船（暈浪）。終於到咗，第一時間走去買雪糕，俾我發現Haagen Dazs有新味，係Passion Fruit Sorbet，好好味！開頭大家都好精力旺盛，但行唔夠一半（大概兩個鐘），呀姨等人已鏡大叫好累，又話好餓！>.< 走到海灘，見到紅潮。玩咗一陣，已經到食飯時間。成班人浩浩蕩蕩去醫肚！
生日飯 part ２
正日去咗兩間居酒屋，都係喺TST。其間(因為第二間"一遊"要等位)仲走入Starbucks飲嘢!一行７人，吃到飽飽，不能再吃甜品！
無upload第一間啲相。呢間係‘一遊‘，喺TST諾市佛臺。
最近想得太多．．．
嚴重睡眠不足足以殺死人！！心情受影響外,脾氣亦差！皮膚更加唔好提！>.<
琴晚十點已喺sofa睡著咗~ 太累了吧！
今日終於收到回覆，只係想開會再談？！唔係嘛！律師信好清楚啦，仲有嘢想攪清楚？真係揾鬼理你啦！上到去聽你發up風咩！快啲還錢啦！！ 你知唔知呢單野攪到我個時間表失預算，又唔知駛唔駛上court, 又唔知要駛幾多錢，本來諗住去旅行㗎嘛！而家都唔知點plan好！
打掃日，發覺有三盤小植物瓜咗。都話水種好啲㗎啦，我放喺洗手間嗰盤都不知生長得幾好呀，又啱懶人(我)種！不過媽咪話有泥好啲喎，話俾浩浩聽，竟然聽到“種瓜咗對我地仲好“ 聽完當堂眼都突！風水嘢真難明，話時話都知呀姨講啲嘢堅定流！
Wednesday, May 16, 2007
My honey!!!
呢隻仔仔係我喺０５年年尾去東京時帶返來㗎，好青見仔㗎！一齊去過北海道，北京，桂林，歐洲．．．不過上年去完旅行諗住帶去做SPA後就遇上不幸事情。那無良乾衣舖把他．．．嗚嗚嗚(我真係為咗呢件事喊，激死我！！！)．．而家我把他放入透明膠袋，安靜地坐埋一邊。
有人覺得我好無聊，口甘大個人都帶住個公仔四圍去。但係我覺得幫我honey影相好開心呀～～～
突然間．．．
自從兩年幾前口係大埔搬出九龍旺角住後都無再寫呢個blog~ 太懶？？當然吾係啦！我都有寫，不過改口左寫日文mixi 同埋xanga 。今日突然間好想寫返呢度．．．
剛開始寫呢到時好鍾意整蛋糕，曲奇、而且有好多人會幫我試吃
今日好累，事緣作晚典來典去，個胃有口野倒流，好口吾舒服
Monday, May 07, 2007
Andrew's bday dinner @わえん （７ Ｍay）
諗住同Andrew去食shabu shabu 慶祝生日，但係去到，坐定定之後先知而家只係六、日加假期先有得食！ 既然都黎到，就試下a la carte!!
沙律，好草青味。
冷豆腐
天富羅，隻蝦好味。
五人前sushi, 唔係好吸引。
牛舌，呢個好味，如果無口甘鹹更好！
海膽炒飯，＄２５０，料好足！
燒蟹，好味呀！！！
牛肉shabu shabu
仲叫咗一支 sake,枝豆。 埋單＄３Ｋ！ 唔平，不過預咗！但以後應該好少黎，因為要食居酒屋有好多選擇啦！
之後走去Haagen Dazs, 趁Andrew 同佢honey 走去隔離HMV, 我同莊娜買蛋糕，叫waitress 姐姐寫Happy Birthday To 小李X佳，但係話好難寫中文，OK! forget it 啦！
我的飛佛！ my favourite coffee+ice-cream!! 
Sunday, May 06, 2007
布袋澳海鮮 (6 May)
睇完有線啊蘇，朋友們就call齊人去食。有好幾年無去過，仲記得對上一次５人食咗８個人份量，最尾叫炒飯時呀哥仔都話我地食得多！！
今次我地叫餐，１２人餐２Ｋ有找！ 我地８個人叫個餐，仲叫埋蒸貝，想叫沙薑雞腳，但賣哂 >.<
開頭我地有少少擔心，驚跟餐海鮮唔新鮮，但又唔係丫。都好得呀！侍應哥哥對住好多客都好好招呼。
蟹有好多糕，都有６隻！！
條魚篜得啱啱好。
龍蝦整得好味呀，連平時唔鍾意食嘅呀灝都有食！
呢個另外叫的，無肉，有啲鹹，因為用冬菜！
呢隻雞好滑。
仲有魚菜豆腐湯，好鮮味！ 有炒飯(本應係白飯，我地加錢轉炒飯)，仲有白灼蝦。
如果masa & 15 黎香港嘅話，就一齊再食過！
Subscribe to:
Posts (Atom)
