Belated Birthday Gift

今日上堂前，fiona已經提我記得喺TT到攞嘢，去到TT一路叫人覆琴，原來有蠱惑，鬼整又將隻曱甴放喺袋裡，攪到我成個彈起。好衰格！！！


多謝Fiona送嘅生日禮物。我好鍾意呀！不過出年大幅啲。唔該哂！！！

温泉蛋，喺元気。

今日的甜品，藍莓芝士餅。

媽媽， 其實我覺得你都幾叻

我地一家８口，而家B & Matt 都結左婚，帶多兩個返黎，加埋我地嗰啲，煮餐飯都咪話唔辛苦呀！ 加埋呢個唔鍾意呢樣，嗰個又話想點、點、點，真係難為你啦。我地都算乖啦，會自動自覺幫手。

呢餐都唔算多餸，試過有十幾樣，放都唔夠位放，大家夾下夾下，都幾爽。

Matt返黎就一定要總動員一餐，寶姐肯煮，但係我就寧願出街食，洗碗都攞命啦！！！

隨館

今天晚飯試左奧海城隨館，二人餐，＄８８，有老火湯，半隻雞，一個餸，我地就叫左個雜菜煲。加埋一個靚仔和上湯麵。都係灝灝食。埋單$110。



雪耳東瓜瘦肉湯。

隻雞都幾滑。

終於買家俬 （３ June)

今日的係心肝走去買家俬，之前食晏，都唔知食好！ 決定去到旺角火車站先算，去到左騰友騰，最終去麻布茶房，食完後決定以後都係食甜品就算！

其實之前都試過海港城麻布茶房食飯，都覺得ok架，不過今日就真係麻麻．．．

我好鍾意食日本風蛋蛋，但係呢個唔得！ 個味唔係日本嗰啲甜甜的，中間係蟹肉，都係普通蟹柳！

呢個真係唔好食，雞肉好鞋，食唔哂！

呢個如果唔係暖，而係熱就會幾好，咖喱味幾好，個蛋都好食啲。

點都係甜品穩陣！個冰好凍，食完有啲寒。

買完家俬(sofa & 地柜)就回家去，晚飯時間走去奧海城痲酸樂食米線。

我食痲辣撈野

好清呀，清湯冷豆腐＋西蘭花


灝灝食十味清湯米線。

兩個人，三樣野，都係＄７１。

食飯之前見到個模型，都幾九唔搭八。

好大個tea set 呀！

煩忙的兩天（３０， ３１ Ｍay）

嫲嫲呢兩天搬新屋, 但係好似唔習慣新環境，佢唔係好肯食嘢，攪到我地頭都大埋！ 唔知點算！！！其實我覺得新地方係好啲㗎，因為係政府經營，資源都應該會多啲啦。每月又有芬唇，好似狗醫生，飲茶聚會。 但係如果佢唔肯食嘢嘅話，我地只好送返去舊老人院。

呢一、兩日我地都有人輪住探，希望可以等佢容易啲適應，今日我仲幫佢報名玩腳底按摩，45分鐘＄５０，希望可以有人幫佢舒吓筋骨，如果可以的話，我都會幫嫲嫲報名玩全身按摩。

返到屋企已經7:15pm, 今日請人幫手搬琴，其實只係搬吓家俬嘅位置，同埋買過啲家俬。而家好亂呀，好多公仔，書，雜物．．．要執嘢，聽晚去買家俬！

聽日Matthew返香港，留１０日。會同全家人食飯，等Ｍatt探嫲嫲。


*******************************************************
我希望聽日會有好消息，單嘢快啲可以settle!!!

德國菜 @king ludwig ( 29 May)

今晚又出動呀，８個人＠8:30pm@king ludwig (TST)，之前走去上堂，好恐佈（代呀sir講）！點算呢？仲話要走堂一個月去旅行．．．返黎死硬！！！

無聊TT好鍾意幫學生影相。呢張算佢有良心，之前試過攪到(用SW)變怪獸！

本應wilson都到架，但係臨尾又無show up! 又係匯豐優“胃”，所以我叫得特別興奮。個場有live band, 有時都幾嘈，我地仲要坐正stage前面，不過好彩有break, 都可以chat吓,講緊麗拜去澳門玩呀(２日１９餐！！)

最尾臨走前聽到佢地唱nirvana 嘅 Smells like teens spirit 。正！！！

由於有人未到，所以我地(5個人)先黎第一灣！


麵包上臺都仲熱（第二轉更好），配牛肝醬和似cream cheese sauce!

沙律！唔可以唔食菜，不過今日都食得好少吓。

腸腸拼盤。我每樣試啲。


無理由唔飲嘅啤酒，肥盃係我嘅，麥味都好重下，我其實唔鍾意飲啤酒架，不過都飲咗！




鹹豬手（叫咗兩灣），皮好脆，我鍾意酸菜（喺德國都買咗架，屋企仲有呢~）


好味腸腸！ 呢個係慕利克白肉腸。個薯仔伴碟好味，酸酸地，中和咗之前鹹豬手的膩．．．

白菌雞肉湯。天天同呀珊都到lu~


牛仔肉餅＋薯條。薯條好味呀！！

好多腸腸呀．．．andrew都到埋！


薯餅＋鴨胸。

呢個係豬肉，入面夾cheeese.

意粉皮包牛尾同埋茄子。



甜品，黑森林，好彩有半價。哈哈，因為唔好食...


呢個apple strudel, 個皮唔脆！

真醒目，之前諗住叫多個，多口問過waiter邊個好食，佢話好嗰兩個我地都叫哂。就叫兩個試下，跟住可以save, 唔駛叫~



呢餐＄１１xx，好嘢！每人$140~

常常去的任食shabushabu~

呢間餐廳叫わえん、喺ＴＳＴ，之前成日去架，不過而家無得食呀！要假日＋星期六，日先有啦．．．

去過幾多次？！ 我都唔記得！１０次以內掛．．．蟹好味（最鍾意燒蟹），牛都可以，都試過食埋黑豚。。。不過我覺得油囉！每人３５０蚊，貴唔貴？你食得多唔多丫？？？

就係呢個燒蟹！

幾多碗碗碟碟！


好耐無見的Ｗilson

後記： 台灣旅行（New Year Eve ０６)

係今年新年時，有三日假，齊齊去台灣旅行。。。一行１０人，係報團架，不過我地自己話事，都係周圍行下，食下嘢！


new year eve, 放煙花呀．．．


好大好大！！


好殘忍，點解要烤唐老鴨?????!!!!!!

和牛、好味 (2 May)

多謝茵茵由大阪親自護送好味和牛！對我來講係好油，但你都知我會話之你，後果自付囉！！！
呀B好擔心整衰件排呀．．．

而家香港都有得食，搵日要去食先．．．不過最好都係去日本食啦！好似上次喺神戶港，食得好思服．．．後尾又肚餓，仲要返去食炒飯＋拉麵！仲有成晚喺酒店攬實大口仔 >.<



呢碌好大，我嗰日食咗一啲，聽講後尾由郭氏爸爸擺平。


呢件要港銀５００有多！ 我地覺得都唔算貴．．．

我地只係用個牛脂開鑊, 煎 4成熟, 上碟! 屋企人都話好味好味!!!medium rare, yum yum!!! :)

honey donald duck.....

儲咗好耐嘅donald duck終於暴光！！！ 仲未計公仔~ hahaha....crazy!!




估下我最鍾意邊隻？你地實估唔到，因為好細隻架，呢埋咗！

home cooking~

有時真係想留係屋企，煮野食其實會好開心架！

呢個就係啦~又簡單，又快趣！望下雪柜有啲咩嘢就整啦．．．

陰天＋大雨 （２７Ｍay）

本應要去大埔飲茶，但係媽咪話等我訓耐啲等到食晚飯先出黎。好啦，就留係屋企。到５pm走去飲coffee(真係好耐無飲，好掛住呀！！！）落到奧海城Starbucks,嘆一陣，諗住去書局打個冷，但行到半路，見到有大新銀行擺counter，大口仔呀．．．拿拿猩填表啦！hohoho．．．後尾攞住野就返歸。放好野就出發、今晚去大角嘴“陵發“打冷！個凍蟹好多糕，個壕餅用鴨蛋架，好味（雖然我唔可以食得多），我最鍾意食生鹹菜！！之後哥哥話朗豪坊有得夾公仔，於是走去,攞到無寥野，全部俾媽咪。玩一陣去滿記食完糖水然後回家。


買飛佛 "tofu fa"